(387) SOUS LE RÈGNE DE CHARLES VI. 147

Dieu pour le salut de son ame, il laissa et donna à son dit evescliié à perpetuité pour l'usage de ses diz successeurs sa meilleur mitre et sa meilleur croce qui furent à feu monseigneur Pierre, son predecesseur sans moyen, et ses deux meilleurs anneaulx pontificaulx, son livre pontifical, un autre livre appellé Racionale divinorum ojjîciorum.

Item, tous les communs utensiles de son hostel episcopal d'Arraz, c'est assavoir, bancs, formes, tables, tresteaulx, vasseauk et oustilz de fer, d'arain et d'estain, de cuisines, de sales, de chambres et des autres lieux, un grant coffre de fer et autres coffres et huches, et tout ce qui sera sien et trouvé es maisons de sa dicte eglise au temps de son decès, c'est assavoir, pierres taillées ou non, bois gros ou menu, tieules, ays, voirres viez et nouveaulx et autres matieres proufitables pour ouvrages, et ses chevaulx trayans à labourer terres ou pour charrier les garnisons de Postel, se aucuns en y a, avecques les harnoiz, charioz, charretes et tumbereaulx, sans comprendre son chariot de son corps.ne les chevaulx qui y servent; lesqueles choses dessus dictes le dit testateur volt et ordonna estre prisiées et inventorisées, et l'inventoire doublé, dont l'un demourra devers son chapitre et l'autre devers son successeur, evesque d'Arraz, qui sera tenuz, tantost qu'il aura prins la possession de l'eveschié et receu les diz laiz, de signer l'inventoire qui demourera devers le dit chapitre, et confesser avoir receues les choses contenues en ycelui par la maniere qu'elles lui sont laissées et de faire quictance des réparacions. Et pendant la vacacion de l'eveschié, les choses dessus dictes demourront en la garde des executeurs cy dessoubz nommez, ou des deux d'iceulx ou de teles personnes seures qu'ilz ordonneront. El moyennant les laiz dessus diz, attendu que pour les réparacions et édifices necessaires et proufitables pour sa dicte eglise, especialmentpour la dicte maison episcopal et des maisons de Marueil, de Beronnes et de Brebieres, du moulin de Vitry, et des moulin et fours de la cité et de pluseurs autres lieux, il a despendu et frayé la somme de dix mile livres Tournois et plus, et qu'il ne reçupt des executeurs de son dit predecesseur pour toutes réparacions que la somme de mile quatre cens livres Tournois, par traictié et accord sur ce faiz, et que pour lors les

¹9-



	(387) SOUS LE RÈGNE DE CHARLES VI. 147 Dieu pour le salut de son ame, il laissa et donna à son dit evescliié à perpetuité pour l'usage de ses diz successeurs sa meilleur mitre et sa meilleur croce qui furent à feu monseigneur Pierre, son predecesseur sans moyen, et ses deux meilleurs anneaulx pontificaulx, son livre pontifical, un autre livre appellé Racionale divinorum ojjîciorum. Item, tous les communs utensiles de son hostel episcopal d'Arraz, c'est assavoir, bancs, formes, tables, tresteaulx, vasseauk et oustilz de fer, d'arain et d'estain, de cuisines, de sales, de chambres et des autres lieux, un grant coffre de fer et autres coffres et huches, et tout ce qui sera sien et trouvé es maisons de sa dicte eglise au temps de son decès, c'est assavoir, pierres taillées ou non, bois gros ou menu, tieules, ays, voirres viez et nouveaulx et autres matieres proufitables pour ouvrages, et ses chevaulx trayans à labourer terres ou pour charrier les garnisons de Postel, se aucuns en y a, avecques les harnoiz, charioz, charretes et tumbereaulx, sans comprendre son chariot de son corps.ne les chevaulx qui y servent; lesqueles choses dessus dictes le dit testateur volt et ordonna estre prisiées et inventorisées, et l'inventoire doublé, dont l'un demourra devers son chapitre et l'autre devers son successeur, evesque d'Arraz, qui sera tenuz, tantost qu'il aura prins la possession de l'eveschié et receu les diz laiz, de signer l'inventoire qui demourera devers le dit chapitre, et confesser avoir receues les choses contenues en ycelui par la maniere qu'elles lui sont laissées et de faire quictance des réparacions. Et pendant la vacacion de l'eveschié, les choses dessus dictes demourront en la garde des executeurs cy dessoubz nommez, ou des deux d'iceulx ou de teles personnes seures qu'ilz ordonneront. El moyennant les laiz dessus diz, attendu que pour les réparacions et édifices necessaires et proufitables pour sa dicte eglise, especialmentpour la dicte maison episcopal et des maisons de Marueil, de Beronnes et de Brebieres, du moulin de Vitry, et des moulin et fours de la cité et de pluseurs autres lieux, il a despendu et frayé la somme de dix mile livres Tournois et plus, et qu'il ne reçupt des executeurs de son dit predecesseur pour toutes réparacions que la somme de mile quatre cens livres Tournois, par traictié et accord sur ce faiz, et que pour lors les

	*¹9-*